同志雙週暨同志日 - 屈原節
過咗香港同志遊行,係時候講番同志雙週! 屈原節係乜?記得當日搜集資料時,知道有同志雙週呢個活動,係因為要搵屈原節既資料。原來屈原節只係其中一個活動,當年大會提議將屈原節定為同志日,引起社會上好大既回響!估唔到既係,竟然喺當年大台<無線電視>既節目 – 人海最前線,以「贊成端午節定為同志日」為題作辯論,雖然結果叔反對為多,但當時既嘉賓同觀眾都一致贊成香港係需要有同志日!! 對於當年社會氣氛,都可以吸引到各主流媒體採訪報導,更有大台既辯論節目去討論;反觀今時今日看似開放既社會,反而有更多既忌諱。。。藝人會怕因為出席同志活動/Come Out被封殺,商界會怕形象受損而避免與同志組織拉上任何關係等等。。。 當然同志並唔係咁趕客,各國領使,同志友善機構,支持同志既演藝人士亦大有人在,為同志平權踏出一步,做多一點! 期望香港喺同志平權路上真係可以進步,而唔係原地踏步,甚至退步! #所有活動爭取都係為了推動同志平權 #同志平權係靠大家每一位熱心人士 =============================== 【les corner 女角平權協作組】 www.lescorner.org IG:les_corner #lescorner #女角
0 評論
今日同大家介紹肥西女神: Healthy Brains 希望大家唔好嫌本煲out, 本煲知左佢地好耐, 但認認真真睇佢地既話真係由上個月做pride做到傻,想搵野輕鬆下開始 當睇緊佢地啲片時, 真係好似進入咗另一次元🤓🤓🤓 你唔需要知道自己做緊咩, 你只要知道自己睇緊佢地就得💪🏼 個腦完完全全放鬆果重感覺真係好正, 尤其係我哋香港人每分每秒都咁忙咁大壓力, 有幾分鐘唔知自己做緊乜呢個感覺偶爾出現下都幾好👻👻 睇完記得like我個post, 跟手再去Youtube訂閱佢地呀! Youtube: https://www.youtube.com/HealthyBrains FB Page: https://www.facebook.com/HealthyBrains2015/ #LCspecial #定期上載 #角色人種 #煲煲菜絲 #BoBoChoice #youtuber #LGBT #HealthyBrains =============================== 【les corner 女角平權協作組】 www.lescorner.org IG:les_corner #lescorner #女角 隨住日落黃昏,星期日都就完,不如睇套戲、chill埋個晚上,就當係星期一唔會來臨咁樣過。 “嘩〜你地咁樣邊緣化啲雙性戀呀?咁咪同啲異性戀霸權主意有咩分別呀? 你地都識講啦,呢個世界上除左有男人、女人,重有其他性別架嘛。 咁點解唔可以接受有其他性取向呢? 呢個世界除左有同性戀、異性戀,仲有雙性戀。” --- “得閒炒飯” 雖然套戲都已經就嚟10年,但都依然咁貼近大家嘅日常生活。 由同性戀者與異性結婚,雙性戀被排斥,寂寞都市人找尋肉體關係,到婦解運動,不婚媽媽,上街集會等等。 無一不是每天依然發生,有改變過咩? 呢部根本非單係同志電影,更係一部記錄片。係由一對女同志主導嘅愛情故事,反映社會嘅實況。 電影:得閒炒飯/All About Love 導演:許鞍華 主演:吳君如,周慧敏,張兆輝,陳偉霆,萬綺雯,谷祖琳 年份:2010 =============================== 【les corner 女角平權協作組】 www.lescorner.org IG:les_corner #lescorner #女角 女同志圈子非正式文意調查#3
如何辨別女同志是否單身? 大家望下自己手指 係咪同我一樣好耐冇勤力修剪指甲… #命裏有時終需有 #命裏無時莫強求 =============================== 【les corner 女角平權協作組】 www.lescorner.org IG:les_corner #lescorner #女角 阿煒維園式議論政局時事專欄,少不免都要搵啲野鬧L爆佢。
今日梗係要講下維園琴日既同志大事件:香港同志遊行2017,入面有咩爆呢?話說琴日有個警察面容緊張咁走來話:「有反對團體係出面擺街站」 即時諗係呢排擺街站勤力過做補選既黃偉明。當下忙到一頭煙set場,唔想理佢住,心諗夠薑你就行入維園,今日我地一人出一條頭髮都搞掂佢。 再轉過頭,就見到一班藍色旗袍靚女,啊!眾志到啦,無錯,除左周庭、袁嘉蔚、羅冠聰,仲有:黃。之。鋒! (In case大家唔知,黃之鋒個爸爸係黃偉明) 唔知佢兩父子琴日有無係維園碰上對方,都係果句,平機會調查有九成18-24歲人支持性傾向歧視立法,好多年輕人即使係極保守宗教背境家庭長大,當認識到平等、人權、民主既概念,都會認為同志平權並非特權、更非鼓吹同性戀,只係同志都想得到與其他人一樣的平等對待。再提多次:《性別承認議題公眾諮詢》延長至今年十二月三十一日,請各位踴躍表達意見,一同爭取性別平等的香港。 你可以到此連結表達支持:pridelab.hk/iwggr 圖片來源: 陳志全議員(慢必)專頁 香港同志遊行2017
今次理應接著上篇,繼續介紹同志雙週,但適逢聽日就係“香港同志遊行的大日子“,無理由唔講下卦? 由第一年同志遊行開始,我已經係其中一個義工,做到現在身為籌委,轉眼都接近十個年頭,當中既甜酸苦辣,確實是不錯的經歷。 每年3-4月就已經埋班,keep住幾年都係大約10鬆人腳去做,由主題,關注議題,宣傳,搵贊助,召義工,搵嘉賓。。。過百項工作,就係每個籌委一點一滴咁做出黎,仲要個個都有份正職,全部用公餘時間去搞,頂到咁耐,少啲心力都真係一早就走咗。 每年既同志遊行,都一定有不同既聲音出現,今年當然走唔甩啦,仲多咗添!中英文主題有人講,設計有人講,各項安排有人講。。。 以下全屬個人意見。。。老實,第一個感覺係,評論之前,不如代入下我地既角色丫,辛苦去做既時候你唔知啫!再諗,又邊有十全十美,大家評論得,就要去聽下諗下,合理既下次改善,唔合理既一笑置之🤣 都係嗰句啦,人手就係得咁多,能做的大家都盡做,難免會有不足,錯亂😢 只能講,大家多多體諒吧!🙇♂️ 一大輪個人意見後,都希望大家聽日25/11,下午兩點鐘,黎到維園,參加香港同志遊行2017, 一齊開開心心走上街頭,展現多元既各種態度吧!😀 =============================== 【les corner 女角平權協作組】 www.lescorner.org IG:les_corner #lescorner #女角 【定期上載-角色人種】-煲煲菜絲 BoBo Choice –Special
因為香港同志遊行將至, 而本煲身為其中一個籌委, 真係忙到甩哂碌🏃🏻♀ 今期煲煲菜絲就暫且唔介紹Youtuber住, 推介下11月25號既香港同志遊行💃🏻🕺🏼 廢話唔多說, 以下係今年遊行懶人包, 大家隨便睇隨便揀😚 https://goo.gl/zs5A9p 唔好錯過每個精彩既環節🤘🏻 11月25號下午2點 約定大家維園見! #可以黎紀念品攤位探本煲 #注意返可餵飼不過我唔食辣 #AfterParty都好正 #有慈禧Hayden #記得著藍色 #冇咩事我出返去繼續做野 #下期介紹啲咩好 #大家有咩睇開咩可以分享 #煲煲菜絲 作為溝唔到女嗰堆type F,星期六、日放假就梗係毒享自己嘅寶貴時間。沖杯咖啡又或者開包薯片,睇返套同志片,咁咪生活態度囉〜 . "有時呢,我覺得自己好似唔係自己咁樣, 啲野好似搞錯哂咁呀。 其實所有野一早就發生過,一早比人寫好哂。 我地就叫呢啲所有嘅野做...“預謀”。" --- “蝴蝶” . 要講港產女同志片,“蝴蝶”絕對係不得不提嘅入門級。 面對寥寥可數嘅港產女同片,可能其實香港所有女同志都已經睇過呢套戲,根本就唔洗我介紹。 如果係咁,我地就襯今個星期六、日,約埋一齊各自係屋企重温呢套經典。 BTW,如果你真係無睇過,咁你應該真係好......年輕。放心,我唔會歧視你,摻埋你玩。 . 電影:蝴蝶/Butterfly 導演:麥婉欣 主演:何超儀,田原,陳逸寧,蔣祖曼 年份:2004 . #麥婉欣係包辦何韻詩啲video咁濟嗰個呀 #蔣祖曼咪使徒行者2個madam張囉 #張雪晴呀 #何超儀同何超係同一個人嚟嘅 #其他野自己search啦 =============================== 【les corner 女角平權協作組】 www.lescorner.org IG:les_corner #lescorner #女角 |
|