|
國際不再恐同日(香港區活動) 為咗回應上一次講既登報聯署聲明，香港的一班同運搞手不得不回應一下；結果就搞咗第一屆既國際不再恐同日(香港區活動)，由2005年開始到2017年，足足搞咗12年…… 咁12年黎，搞咗咁多活動，香港又係唔係可以完全不再恐同呢？好明顯就唔係啦！！呢幾年，接觸多咗圈內既人與事，就更加發現歧視／偏見的恐怖性！眼見認識既人因為身邊恐同既親朋好友，要一再收埋自己，不可以以真正既身份去生活，更要受盡不同形式既冷嘲熱諷，搞到抑鬱既，眾叛親離既，甚至走上不歸路的亦大有人在。當然，相比十幾廿年前，香港既恐同氣氛確實係少咗，但仲要犧牲多少生命才可以做到完全不再恐同呢？ 公眾教育不能就此停步，不少同志團體，人權組織都努力地為消除公眾歧視而努力，期望更多人明白到每一個人的不一樣！凡事都有雙向，要做到平等多元，單單靠同志係唔夠架，更要社會人士打開心窗，嘗試認識／接納不同性傾向的性小眾，先有機會大大改善仍然存在既歧視／偏見！ 如果你唔係一個性小眾，咁我請你嘗試打開你的心窗，用心去睇睇，究竟有咩值得你恐懼？ <IDAHO+是甚麼?> • 「國際不再恐同日」（International Day Against HOmophobia, Transphobia, and Biphobia），簡稱IDAHO+。 1990年5月17日，世界衛生組織 (WHO) 將「同性戀」從精神病名冊中除名。 • 「國際不再恐同日」的目的是使其他人可以知道同志可以健康和快樂生活，不會對別人的生活構成影響，從而令人不再恐懼同志。希望喚醒世人關注對性小眾的恐懼，因性傾向及性別認同，而產生一切加在肉體上及精神上的暴力及不公平對待。 #純個人意見抒發 #書入認識性小眾 #想知多些就搵下歷史 #所有活動爭取都係為了推動同志平權 #同志平權係靠大家每一位熱心人士 =============================== 【les corner 女角平權協作組】 www.lescorner.org IG：les_corner FB：lescorner2015 #lescorner #女角 
0 評論
今日同大家介紹: Baby Momo's 今個星期繼續同大家介紹放閃系列Youtuber!~ 呢一對係台日既couple呀 Long D既感情真係好唔容易 (感傷中........ 睇見佢地耐唔耐都去旅行去玩, 又或者去對方既國家搵對方 雖然係Long D呀, 但都冇損佢地既感情呀(默默咬毛巾葡萄) 睇完片記得like我個post, 跟手再去Youtube訂閱佢地呀! Youtube: Baby Momo's #LCspecial #定期上載 #角色人種 #煲煲菜絲 #BoBoChoice #youtuber #LGBT #BabyMomo #LongD ======================= 【les corner 女角平權協作組】 www.lescorner.org IG：les_corner FB：lescorner2015 #lescorner #女角 係2017年嘅最後一個post喇，先預祝大家今晚有着落 同埋 新年過後有拖拍！今期同大家介紹嘅電影大概只係一套掛名嘅同志電影，睇完令我無比失望。 . “我們中國，本來就是同性戀發達國家之一。” “你瞎說吧” “看漢書呀，我在台灣諗歷史不是白學的。”--- “三個女人的故事” . 呢幾句對白已經係成套電影入面同同志最有關嘅對白。 戲入面嘅張曼玉本來係一個女同志，但成套戲入面都無女女場面，最後佢重有機會同一個男性朋友發展關係。 睇哂成套戲，所謂嘅同性戀部份都只係紙上談兵。我唯有就讓呢啲失望感伴隨住2017離去，懷住希望迎接新一年啦！ Happy New Year！！ . 電影：人在紐約(又名: 三個女人的故事)/Full Moon in New York 導演：關錦鵬 主演：張曼玉、張艾嘉、斯琴高娃 年份：1989 ======================= 【les corner 女角平權協作組】 www.lescorner.org IG：les_corner FB：lescorner2015 #lescorner #女角  女同志如何把自己的名字弄得更MAN 身邊總有一個 或者多個 稱號中性化現象 如果林鄭月娥其實係TB 佢應該會係叫"阿月"或者"阿Car" #我中學時候有個朵叫阿一fornoreason唔好問點解 ========================== 【les corner 女角平權協作組】 www.lescorner.org IG：les_corner FB：lescorner2015 #lescorner #女角  阿煒維園式議論政局時事專欄，少不免都要搵啲野鬧L爆佢。今日聖誕節就點都要同天主教會慶祝下，呢期教會最熱鬧既一定要提提聖誕月新鮮推出，澳洲皇家調查委員會歷時5年出版既「兒童遭性侵案調查報告」，矛頭直指天主教會。 神父搞細路都唔係新奇事，2015年有套戲叫《焦點追擊》（Spotlight），睇名唔係好知講咩，內容係極震撼，由一件2003年既真人真事改編，講一班專做調查報導既記者，揭發天主教會在波士頓性侵兒童的醜聞，淨係睇數字都夠爆：6個教區、6%神父犯性侵、即有90個孌童犯、教會刻意隱藏30年。戲中一句由受害者講既對白點出重點：「一個窮人家的小孩，受到神父的注意是件大事，你怎麼拒絕得了上帝？」咁今次澳洲呢個報告有咩咁勁呢？ 澳洲呢個報告既數字超級驚嚇：內容17本電話簿咁厚、接觸到1萬5千兒童性侵害受害者、訪問左其中8000名受害者、62%是在天主教會受害、7%神父犯性侵。但好可惜呢單野係連全港性道德高地之巔、「關注生命倫理 正視社會歪風」既明光社都無跟進。 報告另一個勁係，佢提出左如何幫助性侵兒童既409項建議。亦重伸一個我以為好似「我阿媽係女人」同等既情況：教會結構性問題令兒童易受性侵。報告咁多項建議中，最吸引人眼球既2項係：1. 要求天主教會終止對神職人員的強制獨身要求；2.告解聽到兒童性侵案必須向警方申報。 天主教會更係唔鍾意呢堆建議，因為觸及教會信仰呢，佢地會覺得有宗教自由（梁美芬咁既Tone）。但當我就唔明當信仰行為構成傷害果陣，宗教同邪教既分別係邊呢？ 天主教會結構性侵兒童問題既脈絡，應該複雜過上期【女同志圈子非正式文意調查】個女同志關係圖（傳送門： https://www.facebook.com/lescorner2015/posts/550976815235102），有機會再拆解（或者搵埋 HoLok Chen 講一堂）。但教會一直無法解決性侵，我認為沿於佢將性侵歸究為「個人問題」，大量宗教領袖都會認為犯性侵神父透過悔罪及苦修修正道德錯誤（甚至唔洗坐監），就可以解決問題。但更貼緊實情係教會體系整個壞掉了，並唔係樹大有枯枝咁簡單，將兒童處於極易受侵害既境地。 焦點追擊（Spotlight）：https://youtu.be/ZoFghnnr4nA 「最後審判即將到來」包庇天主教神父性侵兒童《驚爆焦點》樞機主教86歲死亡 http://www.storm.mg/article/375256 澳洲天主教性侵兒童氾濫 「國家的悲劇」：https://udn.com/news/story/11314/2877963 澳洲天主教會7%神父曾伸魔爪 4444名孩童慘遭性侵： http://www.upmedia.mg/news_info.php?SerialNo=11762 【神父性侵兒童問題】澳洲調查五年發表報告 建議梵蒂岡撤神父獨身規定： https://www.thestandnews.com/international/神父性侵兒童問題-澳洲調查五年發表報告-建議梵蒂岡撤神父獨身規定/ 圖片來聯：聯合報 ======================= 【les corner 女角平權協作組】 www.lescorner.org IG：les_corner FB：lescorner2015 #lescorner #女角  國際不再恐同日(香港區活動) (前傳) -反對「性傾向歧視條例」登報聯署聲明 香港的大型同志活動不得不講既一定係國際不再恐同日，先唔講呢一日既由來，反而想講下點解香港區會響應國際搞國際不再恐同日呢？事出必有因，咁要時光倒流12年前…… 喺2005年4月29日 (呀!其實呢日對JOE BA黎講明明係好日> <”) ，由維護家庭聯盟發起的反對「性傾向歧視條例」登報聯署聲明，刊登於明報港聞版A30、A31、A32和A33 共四版內。很多教會、機構、及關心條例發展的人響應，共有9800個人及374個教會、機構等。 由於當時既JOE BA仲係一個時事冷感既人，完全唔知發生過呢件事，加上又唔睇開明報喎，卒之就到涉及同志活動既時候，先至從前輩口中得知有件咁既事發生過！細過都有返過教會又作為同志既我，如果當日見到呢4大版既聯署，都應該會好震撼！究竟「性傾向歧視條例」係唔係咁恐怖呀（遲Ｄ有機會再同大家探討）？要咁大陣象去登報紙？ 唔知12年後既今日，曾經聯署既人／教會／機構等，有無因為多咗了解而改變對性小眾既睇法呢？點都好，公眾教育仍然要繼續，消除公眾歧視仍然要努力，先可以做到平等多元既社會。 #純個人意見抒發 #書入認識性小眾 #想知多些就搵下歷史 #所有活動爭取都係為了推動同志平權 #同志平權係靠大家每一位熱心人士 =============================== 【les corner 女角平權協作組】 www.lescorner.org IG：les_corner FB：lescorner2015 #lescorner #女角  今日同大家介紹台灣既囧星人 一開始係因為佢有介紹唔同書藉同電影所以訂閱佢 之後佢開咗第二頻道, 開始出好多廢片👻 近呢大半年簡直係睇住佢同佢女朋友「摸哥」既成親之路(?)🤤 仲有, 佢隻愛貓- 囧snow 🐱都會經常出現係佢既廢片頻道 睇完記得like我個post, 跟手再去Youtube訂閱佢地呀! Youtube: https://www.youtube.com/channel/UCRfOaVN_wLZLRkMT9bFj0HQ FB Page: https://www.facebook.com/shintaroReview/ #LCspecial #定期上載 #角色人種 #煲煲菜絲 #BoBoChoice #youtuber #LGBT #囧星人 =============================== 【les corner 女角平權協作組】 www.lescorner.org IG：les_corner FB：lescorner2015 #lescorner #女角  極度寒冷天氣，最好就係同另一半留係暖笠笠嘅被竇睇戲喇。 . 曾經係97年嘅時候， 香港上映過一部由張之亮執導，劉嘉玲同楊采妮主演嘅女同志電影。 故事背景發生係四十年代，講述自梳女與妓女之間嘅愛。 就好似大多數上一輩嘅愛情故事一樣，唔會出現呼天搶地嘅情節，但從每一個小節中就會感受到二人係幾咁愛惜對方，雙方之間嘅愛係幾咁濃厚。 係嚟緊嘅聖誕假，不妨同另一半一齊睇下呢段愛情故事。 . 電影：自梳/Intimates 導演：張之亮 主演：劉嘉玲，楊采妮，李綺虹，錢嘉樂 年份：1997 ======================= 【les corner 女角平權協作組】 www.lescorner.org IG：les_corner FB：lescorner2015 #lescorner #女角  |
