|
#長文慎入 #放負 阿煒維園式議論政局時事專欄，少不免都要搵啲野鬧L爆佢。 應該無乜人知，今日城市論壇搬咗去公民廣場搞，同埋琴日民主派有個初選地區論壇。今次立法會議員因為DQ要做補選，暫時都無乜聲勢咁，望就望去到3月11日多啲人出來投票啦，民主派唔守住議會內直選過半數有幾大鑊呢，我都講唔到咁多。 咁呢單野又關同志咩事呢，今次想拉遠啲講吓台灣都差啲有立委（即類近香港立法會議員）被DQ，而仲係台灣類近明光社啲Friend，一個叫做「安定力量」嘅基督教政治團體搞出來。 台灣法例唔同，佢地果邊搞嘅係「罷免」立委，受害者叫做黃國昌，香港人唔知佢係乜水嘅，但要知道佢被提出罷免係因為佢支持「同性婚姻」，幾個月前一路跟進呢單料，都一額汗好驚罷免成功。 香港嘅同志向來都好鍾意去台灣，覺得台灣氣氛普遍接納同志，但我估大部份都唔知原來呢幾個月有個咁大嘅危機。 台灣嘅反同志基督教會今舖係搞到有聲有色，針對住同性婚姻引起嘅反挫聲浪，再加啲鹽同醋（例如話有同婚爸爸會消失），推動起台灣近年最龐大嘅反同志政治運動。 萬估不到台灣有超過十年法例規定（中、小學每學期法例規定每學期要有4小時）嘅性別平權教育打底，今舖黃國昌都竟然危危乎，支持罷免有4萬幾票、反對罷免得2萬幾票，好在機制上罷免票數門檻未過，佢都仲可以慘勝叫做保得住個議席。 香港嘅支持性別平權組織真係前車之鑑，打好基礎做好性別普及教育，以理服人，唔好以為推啲口號出來，有啲人支持就算。如果唔係，遲啲香港政府可能唔洗出手DQ議員，分分鐘叫黃偉明搞DQ都唔定呀。 延伸閱讀： 民主派初選地區選舉論壇 https://www.facebook.com/PowerForDemocracy/posts/1663831587008763 罷昌投票給同志社群的提醒 https://hotline.org.tw/news/1310 罷免黃國昌 罷昌理由 http://www.dismiss.tw/thewhys 安定力量 https://zh.wikipedia.org/wiki/安定力量 「恐怕會滑向性解放」，他們反對性別教育納入同志平權 https://theinitium.com/article/20161229-taiwan-same-sex-marriage1/ 幫萌萌做功課：性平教育，到底教了什麼東西？ https://sosreader.com/lettertomonmon/ ======================= 【les corner 女角平權協作組】 www.lescorner.org IG：les_corner FB：lescorner2015 #lescorner #女角 
0 評論
發表回覆。 |
